Harry Styles-a'n Taylor Swift leh Coldplay Wembley record a khum

English singer-songwriter leh actor, Harry Styles chuan Wembley Stadium-a residency a neihah show 12 neiin a tawp khar a ni ta. He residency-a show a neih zawng zawngah hian ticket hralh zawh vek niin, Coldplay leh Taylor Swift record siam tawhte a khum. Styles hian artist zingah kum khat chhunga helai hmuna concert nei tam ber record a siam bakah, solo artist-in performance a neih tam ber record a siam bawk.

Styles hian kumin June 12 khan 'Together, Together' tour hi nei ṭanin, Inrinni khan final show a nei a ni. Tour hi Wembley-ah hian zan ruk neih tura tih a ni a, fan-ten an ngen nasat avangin show hi pawhsei a ni. Coldplay-in nikuma zan 10 show an neih leh, kum 2024-a Swift-i'n zan riat show a neihte a rawn khum ta a ni. Inrinnia final show-ah hian mi 80,000 vel an pungkhawm. Styles chuan One Direction-a a band mate ṭhin Niall, Louis, Zayn leh kum 2024, October 16-a thi ta Liam-te chungah lawmthu a sawi a, a ṭhiante pali chu a rimawi zinkawnga puitute an nih thu a sawi.