Metallica-in thisen pe turin mipui an sawm

Heavy metal band, Metallica-te chuan UK-ah khawlum zual avanga harsatna tawk tam tak an awm avanga thisen dahṭhat tlem zel avangin mipuite chu thisen pe turin an sawm.

Metallica hi UK-a National health Service (NHS) Blood and Transplant nena thawk dunin, thisen pe tura appointment siamte tan T-shirt leh guitar picks te an thawh a ni. An band hian M72 World Tour nei mekin, July 5 leh nizanah khan Londona-ah concert an nei a ni. "M72 World Tour-a Europe bial kan kal kualna kan khar rual hian, kan fan-te chu thisen mamawhtute ṭanpui tura hma la turin kan sawm a ni," an ti. London khawpui chhunga donor centre hrang hrangah tunkar atan thisen pe tura appointment ti an tam lo hle. Khawlum zual a thlen chhoh hnuah thisen pe tura inziak lut hi an tlahniam a, hetihlai hian thisen mamawhna hi a sang zual thung tih donor centre-te chuan an sawi. Hei vang hian an stock pawh a tlem chak hle a ni. Kidney Care UK chuan khawlum zualah a bikin kal lam natna, acute kidney injury (AKI) neih a awl zual tih an sawi a, tui in tam turin mipui an chah.