Historical Action Film-ah Go Youn Jung leh Lee Byung Hun

South Korean actress leh model, Go Youn Jung chu historical action film, 'Nambeol' ah a changtunu a ni dawn tih production company, Hive Media Corp chuan nimin khan a puang. He film-ah hian a changtupa atan Lee Byung Hun a chan tur thu a hmain puan a lo ni tawh bawk.

'Nambeol' hi Joseon lalram din tirh lai hun ami anga siam niin, martial arts action film hmuhnawm tak tur a ni. Pasalṭha pakua, thiamna leh khawtlanga an dinhmun inang lo tak takte’n Japan tuipui suamhmangten an rukbo mi tangte chhanchhuak tura Tsushima thliarkar an panna chanchin a ni. Pre-production lam buaipui mek niin filming pawh an ṭan thuai beisei a ni.

Go Youn Jung hi kum 2022-a a debut film, 'The Hunt' leh streaming series, 'Moving' (2023) aṭangin hriat a hlawh chho nghal a ni. 'Alchemy of Souls Season 2', 'Resident Playbook' leh 'Can This Love bi Translated?' tihahte a lo chang tawh bawk. Award pawh eng emaw zat a lo dawng tawh bawk a ni.