Apple-in India-ah card-a thil lei a phal leh ta

Kum li chhung Apple Account hmanga thil leina atana debit leh credit card hman khap a nih hnuah, TechCrunch chuan Thawhṭanni khan Apple-in India-a an product hmangtute tan card hmanga payment siam leh theihna kawng a hawng leh ta tih an tarlang.

Kum 2022 aṭang khan Reserve Bank of India (RBI) lamin hmanraw thar leh dan khauh tak tak, auto-debit leh tokenisation chungchang an hman tak avangin Apple hian card hman hi a lo tihtawp phah a ni. Chumi chhung chuan Apple hmangtute chuan UPI leh Net Banking te chauh an hman theih phah a ni.

Tunah erawh Apple hian India ram bank dan tharte a zawm ve tawh avangin, Visa leh Mastercard hmangtute chuan App Store, iCloud+, leh Apple Music subcription-ah te an card an hmang zawm leh thei tawh dawn a ni. Hei vang hian Apple Pay pawh India ramah a rawn luh phah thuai a rinawm hle a, Apple hmangtute tan chanchin lawmawm a ni ngei ang.