Charli xcx-i'n album listening session nei dawn

British singer-songwriter leh actress, Charli xcx chuan kumin July 24-a a tlangzarh tur, a studio album pasarihna 'Music, Fashion, Film' chawilarna atan album listening session neih hun tur a puang.

Session hi khawvel ram hrang hranga independent theatre-ah July 9-11 hian neih a ni dawn a, chung zingah chuan North America, Asia, Europe leh Australia leh New Zealand-a khawpui hrang hrang 25 an tel. Charli hian kumin June 1 khan album a tlangzarh dawn tih a lo puang tawh a, album cover pawh a Instagram-ah a post nghal bawk. He album-ah hian hla 11 a awm dawn a, minute 30 leh second 5-a thui a ni. Album aṭang hian 'Rock Music' 'Wink Wink' leh 'SS26' te a lo tichhuak tawh a ni. Thla hmasa khan album thar pual hian September 11 aṭangin North Ameriacn arena tour a neih tur thu a lo puang tawh bawk.