Billboard video-te Netflix-ah a en theih dawn ta

Khawvela music chanchinthar tichhuaktu lar, Billboard chuan video streaming service lian ber pawl, Netflix nen thawh dunna thar an siam tih an puang. He thawh dunna hnuaihah hian Billboard-a an video tarlan ṭhin '24 Hrs With' tih ang chite chu Netflix subscriber-te tana en theiha chhawp chhuah a ni dawn a ni.

Kumin August 3 aṭang hian tihchhuah ṭan a ni dawn a; US, Canada, UK, Ireland, Australia leh New Zealand-a Netflix hmangtu te chuan awlsam takin Billboard video hrang hrangte chu Netflix-ah hian an en thei tawh ang. Video-te hi a tawi chi minute 2-3 aṭanga a thui lam deuh chi minute 20 vel thlengte an ni hlawm dawn bawk.

Billboard mai bakah hian Penske Media hnuaia an media house pui Variety leh Rolling Stone, leh media lian dang BuzzFeed, Condé Nast te pawh he ruahmannaah hian an tel ve a ni. Netflix hian ṭhalaite ngainat zawng, short-form video hmanga YouTube leh TikTok te el phak ve an tumna niin a lang a, ṭhalaite tan pawh ennawm mit titlai en sen loh a awm belh dawn tihna a ni.