Anthony Hopkins-a'n record deal siam

Welsh actor, kum 88 mi Anthony Hopkins chuan lemchan bakah rimawi lamah a huang zauhin a lo chak em em ṭhin, album tichhuak turin Decca Classics nen record deal an siam. Nimin khan a debut single 'Brackent Road' a tichhuak nghal bawk.

Hopkins album hmasa ber tur hi 'Lief is a Dream' tih a ni dawn a, kumin August 21 hian an tlangzarh dawn a, Decca Classics-in a tihchhuah sak dawn a ni. He album-ah hian kum 60 chhung a lo phuah tawh a music-te dahkhawm a ni. Nimina a single tihchhuah, 'Bracken Road' hi South Wales-a Margam khuaa a naupan lai hriatrengna a phuah a ni. A music-te hi Grammy-winning conductor Gustavo Dudamel leh Philharmonia Orchestra-ten an tum (perform) a ni.

'Silence of the Lambs' leh 'The Father' film-a a chan vanga Oscar lawmman dawng tawh Hopkins chuan music chu a naupan tet aṭanga a tuina a nih thu sawiin, kum 4 a nih aṭangin piono a tum ṭan tawh a, Beethoven leh Chopin-te a perform ṭhin bakah, tleirawl a nih laiin tualchhunga perform atan rimawi a lo phuah tawh bawk. Album a tihchhuah tura Decca a thawhpui thei chu a lawm thu a sawi.