East India Fashion Week Season 3-ah Charlee Mathlena design phochhuak
East India Fashion Week Season 3, Vivanta By Taj, Guwahati-a neihah Mizo pa Charlee Mathlena kutchhuakte an pholang.
Charlee Mathlena design phochhuahte hi 'Celebrating the Hands that Weaves collection' tih niin Eri silk leh cotton hmanga tah a ni. Model nalh tak tak 17-ten Mathlena kutchhuak puan, stole, shawl, tops, jacket leh suit-te hi an rawn hachhuak a, an mawipui hle. Heritage Mizoram by Charlee Mathlena design-te hi India rama khawpui lian New Delhi leh Goa mai bakah Paris leh Berlin-ahte pawh zawrh a ni hial.
East India Fashion Week hi Fashion and Design Council of NorthEast buatsaih niin, Zirtawpni leh Inrinni liam ta khan season 3-na neih a ni a, designer thiam tak tak 28-ten an kutchhuak pholangin, chhimtu pawh an ṭhahnem hle.