Ozzy Osbourne-a'n nakkumah album tlangzarh dawn

Heavy metal band Black Sabbath vocalist ṭhin Ozzy Osbourne chuan nakkum January-ah a album thar a tlangzarh dawn tih a nupui leh a manager Sharon Osbourne chuan a sawi.

Kum 70 mi Ozzy hian kumin April thla khan accident a tawk a, a hnungzang, nghawg leh a darte chu a sawhna a ni. Mahse tunah chuan ngai a awh leh tawh thu a nupui Sharon chuan SiriusXM radio-in an kawmnaah a sawi.

Ozzy hi hriselna ṭhat loh vang leh accident a tawh avang hian kumin chhunga a zaina tur tam tak chu a ṭhulh hial a ni.

Kum 2010-a a album 11-na 'Scream' a tlangzarh hnua a album  tihchhuah leh hmasak ber tur a ni dawn a, amah pawh a phur tawh hle. September thlaa Post Malone leh Travis Scott-te nena an tihchhuah 'Take What You Want' hla 

aṭangin, phurna thar a neih thu Ozzy chuan a sawi a ni.