Disney+ in free streaming tier siam dawn

Disney+ chuan an library aṭanga film ṭhenkhat chu a thlawna en theihin an siam dawn tih Business Insider report chuan a tarlang. Disney chief product leh technology officer, Adam Smith chuan he thu hi Ningania town hall-a programme buatsaihah a sawi a ni.

Streaming platform-a a thlawna en theih tur zingah hian eng show leh movie-te nge dah a nih dawn tih sawi a la awm lo thung. Content a thlawna en theih tura siam hian Disney+ chu YouTube leh Tubi-te nen free service-ah an inel thei dawn a ni. Streaming platform lian thamten a man an tihsan zel avangin consumer-te chuan ad-supported service lam an hawi ṭan a ni. Neilson data aṭanga a lan danin, kum 2026 April thla khan U.S. television-ah 18.7% chu free streaming service-in a luah a, kum 2025 April thlaa 16.8% leh kum 2024 April thlaa 12.7% aiin a pung a ni.