IBBY Honour list-ah Hannah Lalhlanpuii

Mizo author, Hannah Lalhlanpuii chu naupang tana a lehkhabu ziah, 'Songs of Freedom: Postcard from the Lushai Brigade' tih hmangin International Board on Books for Young People, (IBBY) Honour list-ah thlan a ni. IBBY Honour List-ah hian ram 59 aṭanga ṭawng 52 a lehkhabu ṭha thlan khawm 191 an lang.

IBBY hian ram hrang hranga writing, illustration leh translation hmanga naupang literature pholang thei lehkhabu ṭhate chawimawina an hlan ṭhin a ni. Hannah lehkhabu pawh hi Mizoram chanchin leh culture pholang thei a nih avanga thlan chhuah a ni. A lehkhabu ziah hian writing category-a India's English-language-ah nomination a hmu. IBBY hian khawvela naupang literature pho chhuah kawnga lehkhabu ziaktuten exhibition, catalogue leh global literary event-a an inzar pharh theihna turin a pui ṭhin.