Gigi Hadid hi mi ṭha tak a ni : Tyler Cameron

Mi ṭhenkhat chu an inngaizawng a, an inṭhen hnuah inhaw zuiin nasa takin an insel zui ṭhin.

Tyler Cameron erawh chuan a bialnu hlui Gigi Hadid chu mi ṭha tak a nih thu sawiin, inzui tawh lo mah se a la zah hle tho tih a sawichhuak mauh mai.

Bachelorette' star Tyler Came­ron leh Gigi hi an inzui rei lo hle a, nipui hunchhung rei lote kha inzuiin October thla tirah khan an inṭhen a ni. Cameron erawh hi chuan Gigi hi a fak zui hle a, ṭhian ṭha tak anga a la ngaih reng thu a sawi bawk.

People TV's 'Reality Check' series-ah hemi chungchang hi Cameron hian a sawichhuak a ni. Anni pahnih hi August thla khan inzui ṭanin October thla tirah khan an inṭhen a, an inṭhen chhan hi sawi chiang lo mah se ṭhian anga awm zui ṭha an tih zawk thu erawh an sawi a ni.