Korn leh Breaking Benjamin-ten 2020 tour nei dawn
American nu-metal band Korn leh Breaking Benjamin-te chuan 2020 tour an nei dun leh dawn a, English rock band Bones U.K-in an pui dawn bawk.
Nakkum January 23-ah tour hi an ṭan dawn a, thla khat chhungin US leh Canada-a khawpui 24-ah show an nei dawn a ni. March 1-ah an tour hi an zo ang. Allentown, Pennsulvani-ah show hi bul ṭanin, California-a Fresno-ah an khar ang.
September thlaa tihchhuah, Korn album thar 'The Nothing' chu release a nih karah Billboard 200 chart-ah No 8 a ni nghal a, rock band zingah top 10-a album lang pha nei ngah pangana an ni pha tawh a ni. Breaking Benjamin hian kumin kumtawp hmain acoustic album tihchhuah an tum bawk. He album-ah hian an band hit lo neih tawhte an telh dawn a ni.