'American Horror Story' aṭangin Ariana Grande inhnukdawk

American singer-songwriter leh actress, Ariana Grande chu a 'Eternal Sunshine' tour neih hun nen a innangching avangin, Ryan Murphy production "American Horror Story" season 13 aṭangin a inhnukdawk. He thu hi FX-in "American Horror Story" season 13 first look a tlangzarh hnuah puan a ni.

"American Horror Story" ah hian season hmasa lama a changtute an chang leh dawn a, Grande pawh hi a changtu tur zinga puan a ni. Season 13-ah hian John Waters, Paul Anthony Kelly leh Joey Pollari-te pawh an chang dawn a, kumin September 24 hian tlangzarh a ni ang.

Nikum November thla khan Grande hian, "American Horror Story" ah hian role lian tham lo a nei dawn tih a lo sawi tawh a, a phur tawh thu a sawi bawk. Mahse a tour neih hun nen a innangching tak avangin a inlan leh thei dawn ta lo a ni.