Nakkum October-ah 'Hotel Transylvania 5'

American animated TV series 'Hotel Transylvania 5', 'The Haunting of Hotel Transylvania' chu nakkum October 8 hian theatre-ah tlangzarh a ni dawn. Film hi Sony Pictures chuan North America-ah a tichhuak dawn a, Amazon MGM Studios chuan khawvel pumah a pe chhuak dawn thung a ni.

'The Haunting of Hotel Transylvania' hi Jennifer Kluska leh Alan Hawkins-ten an direct dawn a, Lawrence Jonas chu producer niin Genndy Tartakovsky leh Michelle Murdocca-te chu executive producer an ni. Kum 2012-a theatre-a tihchhuah, original 'Hotel Transylvania' khan khawvel pumah USD mtd 355 a la lut a, a sequel 'Hotel Transylvania 2' khan USD mtd 475 la lutin, 'Hotel Transylvania 3: Summer Vacation' khan khawvel pumah USD mtd 530 a la lut bawk. Film installment palina, 'Hotel Transylvania: Transformania' chu kum 2022 khan Prime Video-ah premiere a ni bawk.