Snow Patrol leh BMG-in record deal siam

Northern Irish rock band, Snow Patrol leh Bertelsmann Music Group (BMG) chuan global record deal an siam a, he inremna hnuaiah hian Kylie Minogue an thawhpuina single 'These Arms' tih chu July 1 khan an tlangzarh bawk. He hla hi kum 2024-a an album, 'The Forest Is the Path' tiha telh turin an record a, mahse, pop star Minogue nen an record leh ta zawk a ni.

BMG-a UK, Continental Europe leh APAC president Alistair Norbury chuan, Snow Patrol chu an generation-a band hla phuah thiam ber zinga mi an nih thu a sawi a, band-in music thar chhawp chhuak tura hma an lak mek laia thawh hona an siam thei chu lawmawm a tih thu a sawi. Snow Patrol member-te pawhin Alistair leh a team chu hun rei tak an hmelhriat tawh thu leh, an label hnuaia mite chu rimawi lama thawh hlawk leh supporter ṭha tak tak an nih thu an sawi ve bawk.

Snow Patrol band hi kum 1994-a din a nih aṭangin album pariat an tlangzarh tawh a, Billboard Hot 100-ah vawi li lang tawhin, kum 2006 khan an hla 'Chasing Cars' chu No.5 a ni bawk. Kum 2008 khan Billboard 200-ah an album pahnih chu top 10-ah an lanpui bawk a ni.