Post Malone-in 2026 World Cup Closing ceremony headline dawn!

FIFA World Cup 2026 pawh a hmawr bawk kan hnaih chho zel a, American singer leh rapper ni bawk, Post Malone chuan MetLife Stadium East Rutherford, New Jersey-a neih tur closing function a headline dawn tih FIFA chuan a puang leh ta. A hmain closing function inlan tur dangte chu a hmain FIFA hian a lo puang tawh a ni.

FIFA president Gianni Infantino chuan, "Tun ang hun sport, culture leh khawvel mipuite ngaihven thila intawhkhawmnaah hian, Post Malone chuan he inelna zinkawng hrang hrang leh, World Cup hmawrbawkna hi khawvel mitfukna a nih theihna turin boruak nuam tak a siam thei dawn a ni" tiin Posty inlan tur chungchang hi a tarlang.

Greatest Show on Earth hmawr bawkna tur hian kum danga la tih ngai loh half time show pawh neih tura ruahman niin BTS, Justin Bieber, Madonna and Shakira-te chuan show hi minute 11 chhung an co-headline dawn a; hun hman tur zawng zawng hi Coldplay frontman Chris Martin ruahmanna hnuaia kalpui a ni bawk.