'Dexter: Resurrection' season 2 ah Gabriel Luna

American crime drama mystery TV series, 'Dexter: Resurrection' season 2 ah American actor leh film producer, Gabriel Luna a inlan dawn. Luna hi Ray Ballard, serial killer The Sleepy-Eyed Stranger tih hming puin a inlan dawn a ni. Series-ah hian a changtupa ber Dexter lemah Michael C. Hall a chang leh dawn bawk.

Luna hi 'Dexter: Resurrection' season hnihnaa chang tur zinga puan thar ber niin, Brian Cox chuan The New York Ripper lem a chang dawn a, Dan Stevens chuan The Five Borough Killer lem a chang bawk ang. Season tharah hian Bokeem Woodbine leh Nona Parker Johnson-te pawh an chang dawn a, Uma Thurman chuan a role ngai Charley lemah a chan leh dawn bakah, Kristen Ritter pawh a chang leh dawn.

'Dexter: Resurrection' hi original series siamtu Clyde Phillips kutchhuak a ni a, series thar showrunner leh executive producer a ni bawk. Scott Reynolds, Marcos Siega, Tony Hernandez, leh Lilly Burns te executive producer an ni. Series hi Paramount Television Studios leh Counterpart Studios-ten an produce a ni.