'The Batman Part II' tlangzarh hun sawn hla

Warner Bros. Pictures leh DC Studios chuan "The Batman Part II' tlangzarh hun tur an sawn hla leh ta. Film hi nakkum October 1 a tlangzarh tura ruahman tawh chu, Imax-ah kum 2028 February 18-a tlangzarh turin an sawn hla leh. DC Studios chuan film hi kum 2025 October 3-a tlangzarh turin a lo ti tawh bawk.

Warner Bros. chuan 'The Batman Part II' chu kum 2022’-a tihchhuah 'The Batman nen' corridor khatah dahin, ram chhunga hripui len laia film tihchhuah sum la lut hnem ber pahnihna niin USD mtd 134 a la lut a, khawvel pumah USD mtd 770.3 a la lut thei a ni. 'The Batman part II' hi Matt Reeves direct a ni a, Batman lemah Robert Pattinson changin; Andy Serkis, Colin Farrell leh Scarlett Johansson-te pawh an chang bawk. Film tlangzarh hun tur sawn hlat a nih leh tak avangin post-production atan hun tam zawk an nei thei dawn a ni.