Lehkhabu bawm : Dr. Sakhawliana lehkhabu ziah 2 tlangzarh

Dr. Sakhawliana lehkhabu ziah pahnih, 'Urban Local Self Government in India : A study of its implications in Mizoram' leh 'Public Administration for class XI & XII' tih chu nimin khan minister Prof. Lalnilawma chuan I&PR Conference Hall, Aizawl ah a tlangzarh.

Lehkhabu ziaktu, Dr Sakhawliana hi Dept. of Public Administration, Govt. T. Romana College ah Asst. Professor a ni. Topic hrang hrangah kum 15 lai Research Experience a nei tawh a, Seminar hrang hrangah leh Workshop-ah te Research paper 30 chuang buatsaih tawhin, lehkhabu ṭhahnem tak a ziak tawh bawk a ni. A lehkhabu buatsaih ‘Traditional Administration in Mizoram,Meghalaya & Nagaland’ tih chu kum 2004-2009 inkar khan Higher Secondary School-ah zirlai pakhata hman a lo ni tawh.

Prof. Lalnilawma chuan lehkhabu ṭha ziak tur hian taimakna , tumruhna, inpekna, tih hram hram duhna leh rilru fim tak neih a ṭul mai bakah, thil thar ngaihtuah chhuah thiamna leh mahnia hun inserh hran thiam a ṭul a, lehkhabu ṭha ziak tute chu mi taima leh tumruh bik te an ni, a ti.