Tiffany-i'n Asia tour nei dawn

South Korean girl group Girls' Generation member, Tiffany Young chuan a debut solo album, 'Edge of Calm' chu kumin August 20 hian Pacific Music Group leh Pacific Records kaltlangin a tlangzarh dawn.

A album hmang hian September 12 aṭangin Asia-a ram pariatah tour a nei nghal dawn a, Hong Kong-ah khuh hawn a ni ang a, December 27-ah Seoul-ah homecoming neiin a tawp khar a ni dawn a ni.

Album-ah hian hla genre hrang hrang 11 a awm dawn a, album production, concept development, styling, visual direction leh music video storytelling te pawh a kutchhuak an ni hlawm.

Kumin kumtir lam khan a solo debut 10th anniversary lawmna atan single 'Summer's Not Over' a lo tichhuak tawh bawk. He hla hian Spotify-ah stream 367,000 chuang neiin, a official music video chuan YouTube-ah view mtd 1.8 chuang a nei bawk.