Lehkhabu bawm: Prof. Laltluangliana Khiangte lehkhabu tlangzarh

Prof. Laltluangliana Khiangte chanchin mithiam hrang hrangte ziak dahkhawmna lehkhabu, "Zawhzawzo Val" leh Prof. Laltluangliana Khiangte ziak lehkhabu dang pahnih sap ṭawnga ziak, 'Lalzika leh Vanthangi' leh 'Teaching of Mizo Language in Secondary School' Dr. Lalramliana nena an ziahte chu nimin khan chief minister Lalduhoma'n BSI Hall, Bible House-ah a tlangzarh. Khualzahawm Prof. Dibakar Chandra Deka, VC, MZU chuan 'Pasaltha Khuangchera', Bengali ṭawnga ziak a tlangzarh bawk.

'Zawhzawzo Vala' a lan danin, play a ziak 40 zinga 20 chu Hindi ṭawnga lehlin a ni tawh a, 10 chu sap ṭawnga lehlin a ni. A play ziah 20 vel leh a thu (prose) ziah 20 vel bakah a hla chhammi (poets) 10 hi India rama University panga velin an zirlaibuah an khunglut tawh a, ṭawng hrang hrangin an letling a ni.

Lehkhabu tlangzarh inkhawm hi Dr. R. Zothanliana, Associate Professor, MZU chuan a kaihruai a, Rev. Dr. Vanlalnghaka Ralte chuan hunserh a hmang. Prof. Laltluangliana Khiangte chuan inlawmna thu sawiin, mithiam thlan chhuahten lehkhabu thlirna tawi an nei.