Google-in an AI Gemini model thar pathum tlangzarh

Tech giant Google chuan artificial intelligence (AI) khawvela hma hruaitu an nih theih nan leh, hmanrua man tlawm zawk leh hman nuam zawk an chhawp chhuah theih nan Gemini model thar pathum chu July 21 khan an tlangzarh. Mi tam takin an nghahhlelh Gemini 3.5 Pro erawh a la chhuak lo.

Model thar zingah hian Gemini 3.6 Flash chu a langsar ber a, Google-a model chak leh hman uar ber "workhorse" tia sawi ṭhin a ni. Coding, knowledge work leh multimodal hna thawk turin a ṭha lehzual a, a hma ami aiin a man pawh a tlawm zawk fe a ni. A dawt chu Gemini 3.5 Flash-Lite niin AI agent enkawlna leh hna chak taka thawk duhte tan duan bik a ni. He model hi a chak ṭhain second khatah output token 350 a pe chhuak thei a, hman man a tlawm avangin developer-te tan a tangkai hle dawn.

Pathumna Gemini 3.5 Flash Cyber chu cybersecurity bik atana ruahman a ni a, software pawikhawihna leh harsatna thlente chhui chhuaka siamṭhatna kawngah a ṭangkai dawn hle. Mahse, sorkar leh mithiam bikte tan chauh chhawr theih turin limited access-in a awm rih thung. Gemini 3.5 Pro erawh partner-te hnenah test chhoh zel a la ni a, mipui tana pho chhuah vat turin hma lak mek a ni.