Game for Change 2026 winner-te award sem

Non profit organization Games for Change chuan kum 2004 aṭanga a lo thlan ṭhin, video games leh immersive media khawvela che ṭha leh nghawng nei liante hnena chawimawina chu Thawhlehni zan khan a sem. He award hi Game for Change Festival, New York a neihah sem niin, actor Anjali Bhimani leh Osric Chou-ten awards ceremony hi an host a ni.

Kumin hian category 10-ah winner thlan chhuah an ni a, ram 46 aṭangin nomination theh luh a ni. Heng aṭang hian mithiam bik awmna, jury-ten award dawng tur hi an thlang leh a ni. Award ngaihhlut hlawh Game/Experience of the Year chu Compulsion Games kutchhuak 'South of Midnight' in a dawng a, Best in Impact chu TearyHand Studio kutchhuak 'and Roger' hnenah hlan a ni thung.

G4C kaltlang hian games bakah media immersive hrang hrang, khawvela nghawng nei lian, a bikin climate change, education huanga nghawng nei thei turte games ṭha zualte thlan ṭhin a ni.