Grease film-a Olivia leather jacket leh kekawr hak lilam

Kum 40 chuang liam taa Grease film-a Olivia Newton-John leather jacket leh kekawr hak chu kar kal ta Inrinni khan Julien's Auction-a an lilamnaah, dollar 405,700 in hralh a ni. 

Leather jacket hi dollar 243,200 leh, leather pants hi dollar 162,500 in hralh a ni. Heng thawmhnaw hi Grease film-ah hian Rydell High carnival-a John Travalto nen, 'You're the One That I Want' tih hla an sak khan a ha a ni. 

An sum hmuh hi Australia-a Olivia Newton-John Cancer Wellness and Research Centre tan hlan vek a ni ang. Leather jacket leh kekawr bakah, Grease film 'Pink Ladies' jacket a hak pawh lilam tel a ni a, dollar 50,000 a hralh a ni a, hei hi a man pangngai aiin a let 25 zetin a tam. Grease 1978 premiere-a a hak petal-pink lace gown pawh dollar 18,750 in hralh a ni bawk.