Social Media addiction vanga Meta laka lawsuit theh luh hnuhdawk

Social media addiction leh ṭhalai nunphung tichhia anga puhna hmun hrang hranga tawktu, Facebook leh Instagram neitu Meta laka thubuai theh luh chu hnuhdawh a ni. US-a kum 15 mi pakhat chuan court-a thubuai rel tak tak a nih hma chiahin Meta laka a lawsuit hi a hnukdawk tih a ukilte chuan Nilaini khan an puang.

Hemi hma hian he rawlthar, R.K.C. tia hming lam tawi hmanga hriat hian, social media hrang hrang—YouTube, TikTok, leh Snapchat-te lakah case a lo theh lut tawh bawk. Court thleng loa inbiakremna neiin pawisa zangnadawmna phut loin khinna hi hnuhdawh a nih thu Meta chuan a tarlang.

R.K.C.-a ukil Emily Jeffcott chuan thuchhuah siamin, he rawlthar hian social media ten ṭhalai leh naupang nuna nghawng ṭha lo an thlen mek chu khawvel hriatah puang zara, mawhphurhna lak tir a duh ber a ni tih a sawi. "Kar tam tak awh tur court inbeihna hahthlak tak hmachhawn ai chuan, inenkawl ngai leh therapy lak ngaite uluk zawka laka nunphung pangngaia nun chu a duh zawk avangin case hi a hnukdawk ta zawk a ni," a ti.

Meta erawh chuan, "A tir aṭangin he puhna hi behchhan nei lo a ni a, kan laka case ho lam leh behchhan nei lote lakah hian engtikah mah kan hnungtawlh dawn lo tih he thil hian a tichiang hle a ni," tiin thuchhuah an siam bawk. Meta chuan R.K.C. hian ni khatah minute tlem te chauh Facebook leh Instagram a hmang ṭhin tih leh, a puhna tam zawk chu ukil a rawih hnua siamchawp a ni tih thup an tum bawk niin an sawi.