A ui thih vangin Lorde-i'n album tlangzarh tur tikhawtlai

New Zealand singer Lorde chuan a ui hmangaih tak leh a ṭhianṭha Pearl a thih avangin, a album pathumna tihchhuah tur chu a tihkhawtlai thu a instagram kaltlangin a fan-te hnenah a sawi.

Grammy award vawi hnih lai lo dawng tawh, Lorde hian a ui hi  kum 2018-a a lei a ni a, thla liamta khan a ui hian a boral san avangin music lam pawh a ngaihtuah theih rih loh thu a tarlang bawk. "Ka ui hi ka nunah hian hlimna min thlentu a nih bakah, ka ṭhianṭha em em a ni," tiin Lorde chuan a ui a sun zia a sawi chhuak.

Kum 22 mi Lorde hi 2013-a "Royals" hla a tihchhuah aṭang khan hriat a hlawh a, The Hunger Games: Mockingjay, Part 1-a 'Yellow Flicker Beat' hla pawh ama sak a ni. Tunah hian studio album pahnih a nei tawh a, a album pathumna tur erawh  a tlangzarh theih hun tur a sawi lang lo thung.