Sony Pictures-in 'Ramayana' khawvel puma en theih turin pe chhuak dawn

India film history-a film pek chhuah tur lian ber pawla ngaih, Nitesh Tiwari direct-na hnuaia siam mek 'Ramayana' chu India ram pawn zawng zawnga pe chhuak turin Hollywood studio lian Sony Pictures Entertainment chuan mawhphurhna an la ta.

Producer Namit Malhotra chuan Sony Pictures nena an inremna hian he film hi Hollywood blockbuster liante tluk zeta khawvel hmuhah a vawrh lar dawn tih a sawi. 'Ramayana'-ah hian Ranbir Kapoor (Rama), Yash (Ravana) leh Sai Pallavi (Sita) te an chang a; Oscar lawmman dawng tawh A.R. Rahman leh Hans Zimmer te'n a music an siam dun thung.

He epic film hi ṭhen hnih-a siam niin, Part 1 hi Diwali 2026-ah IMAX cinema-ah tlangzarh tum a ni a, Part 2 hi Diwali 2027-ah chhuah hman tum a ni thung. Sony Pictures-in khawvel huapa mawhphurhna an lak tak vang hian trailer tlangzarh hun tura ruahman tawh pawh rualkhai zawka peih a nih theih nan hun dangah sawn hlat hlek a ni bawk.