Disney leh Starlight Children's Foundation-in 'Toy Story 5' toys sem chhuak

Disney movie, animated adventure comedy 'Toy Story 5' chuan global box office-ah hlawhtlinna ropui tak neiin, USD mtd 957.3 a la lut tawh a, he a hlawhtlinna hi duhtawk mai loin Disney chuan hun rei tak a lo thawhpui tawh Starlight Children's Foundation nen khawvel hmun hrang hranga naupang damdawi-ina awmte tan ke an pen chhuak leh ta.

Kum 2001 aṭang khan Disney leh Starlight Children's Foundation thawk dun chuan naupang damlo damdawi-ina awmte tan exclusive screening leh care package-te an lo pe chhuak tawh ṭhin a, an flagship kaltlang hian 'Disney Movie Moments' program siamin, damdawi-ina damlote leh an chhungte tan screening event an buatsaih ṭhin a ni. 'Toy Story 5' tihchhuah a nih rual hian film hi khawvel puma naupang damdawi-in 400 chuangah tihchhuah a ni. Disney chuan 'Toy Story 5' theme toy 18,000 chuang leh character behchhana siam, damdawi-in gown 34,000 chu naupang leh an chhungte tan an sem chhuak bawk. Hei bakah a vawi khatna atan Los Angeles-a film premiere-naah red carpet activation an buatsaih a, film-a a changtute leh guest-te chuan damdawi-ina awm naupangte fuihna thuchah an siam a ni.