George Michael concert film tichhuak dawn

English singer-songwriter George Michael concert film, 'George Michael: The Faith Tour' tih chu Universal Pictures Content Group leh Bleecker Street's event cinema division Crosswalk-ten an tichhuak dawn.

Concert film hi kum 1988-a Europe-a Palais Omnisports de Paris-Bercy-a Faith tour neihnaa shoot a ni. Film hi hunrei tak Michael-a'n a lo thawhpui tawh Andy Morahan leh David Austin-te direct a ni a, George Michael Entertainment and Mercury Studios chuan Globe Originals an thawhpuinain an produce a ni. Kumin kumtawp lamah khawvel puma theatre-ah premium format-a tlangzarh tum a ni. U.S. ah chuan Crosswalk hian Imax a thawhpuinain early screening neih a ni bawk ang.

George Michael hi duo Wham! dintu a ni a, kum 2016 khan kum 53 mi niin a thi a ni. Singer hian album mtd 100 chuang a hralh chhuak bawk. Theatre-a concert film tlangzarh a nih rual hian George Michael Entertainment leh Sony Music Entertainment chuan 'The Faith Tour', hla 18 awmna album an tlangzarh bawk dawn a ni.