Karol G-i'n Viajando Por El Mundo Tropitour khuh hawng

Colombian singer-songwriter Karol G chuan, Zirtawpni July 24 khan Chicago-a Soldier Field-ah Viajando Por El Mundo Tropitour a khuh hawng. Karol hian a hla thar 'Matadora' tih pawh a perform nghal a ni. He show hi Live Nation buatsaih a ni a, tour-ah hian Becky G, Greeicy leh Elena Rose-te pawh an inlan dawn.

Karol hi stadium hrang hrangah a perform chhunzawm dawn a; Los Angeles-a SoFi Stadium, New Jersey-a MetLife Stadium, Miami-a Hard Rock Stadium-te pawh an tel a, Latin America leh Europe-ah a perform chhunzawm bawk dawn a, chung zingah chuan Mexico, Argentina, Brazil, Spain, England leh Italy-te pawh an tel. He world tour hi Karol album thar ber, 'Tropicoqueta' promote na tur niin, album hi Top Latin Album chart-ah No.1 niin, Billboard 200-ah No.3 a ni bawk.