Benjamin Colney vuiliam a ni

Zaithiam/rapper Benjamin Colney chu kum 40 niin Inrinni tlai khan a thi a, lumen a nih hnuah nimin chawhnu khan an chenna Zemabawk-a vuiliam a ni.

Benjamin hi rimawi leh zai ngaina tak niin, Mizo Gospela Rap music lama sulsutu pawimawh tak a ni a, a hlate avangin Lelte Award leh Ṭhazual Award te pawh a lo dawng tawh a ni. Kum 2010-a Mizo Idol star Hmingtea nen an thawh dunna, 'Lalpa ka ngai che' an tihchhuah aṭangin hriat a hlawh a, hla dang ṭha tak tak a tichhuak bawk. A hla zinga mi, 'Pen chhuak ang' tih chu Pathian pawhin a hmang nasa hle. Gospel hla lar leh hit, 'Mak leh tak Hlauhawm taka Duan' tih phuahtu leh satu a ni bawk a, Ṭhazual Awards 2021-a Mizo Idol Jerry nena he hla an perform chu a ropuiin tun thlengin sawi zui pawh a la hlawh a ni. Benjamin hian a nupui, Amy K. Lalruatfeli leh a fate panga a kalsan.