Japan Book Hot 100-ah No 1 thar 'One-Punch Man' Vol. 37

Billboard-in Japan lehkhabu ṭha thlanna a buatsaih ṭhin, Japan Book Hot 100 chart tharah Japanese anti-heroi manga hit em em mai 'One-Punch Man' Vol. 37 chu No.1 ah kaisang tharin, 'One Piece' Vol. 115 a nek chhuak. One-Punch Man manga volume thar ber hi July 17 khan tihchhuah niin, e-books metric lamah a che ṭha zui nghal a ni.

Superhero manga hrang hrang chhuak zingah Shangri-La Frontier Vol. 27 chu pahnihnaah lang pha bawkin, Yomi no Tsugai (Daemons of the Shadow Realm) Vol. 13 erawh pathumnaah a tlahniam thung. HUNTERxHUNTER Vol.39 chu pahnihna aṭangin palinaah tlahniamin, chart hmasa lama roreltu 'One Piece' Vol 115 pawh No.5 ah a tlahniam bawk.