KATSEYE 'Animal' in Spotify US chart-ah record siam

Global girl group KATSEYE hla tihchhuah thar, 'Animal' chuan Spotify US chart-ah record a siam. He hla hi Daily Top Songs USA chart-ah No. 4 niin, an hla 'Internet Girl' leh 'PINKY UP' te record siam a khum a ni. Global chart-ah No. 9 dinhmun a luah bawk a, stream mtd 3.3 a nei tling der tawh a, ram 47-a chart-ah a lang pha bawk.

'Animal' music video pawh hi YouTube-a tihchhuah a nih aṭanga ni hnih hnuah view mtd 10 a nei thei. Music video-ah hian Hollywood star Demi Moore a inlan bawk. 'Animal' hi KATSEYE EP pathumna, 'WILD' tiha dah tel tur a ni a, kumin August 14 hian tlangzarh a ni ang. EP an tlangzarh hnuah group hian 'THE WILDWORLD Tour' chu September thla hian an neih chhunzawm dawn a, North America leh Europe-a khaw 10-ah vawi 31 an perform dawn a ni.