'The Mummy 4' ah Michael Johnston

American supernatural horror film, 'Obsession' star Michael Johnston chu 'The Mummy' installment palinaa chang tura biak mek a ni. Johnston hi TV series 'Teen Wolf' ah pawh a lo chang tawh a, 'Obsession' aṭang khan ngaihven a hlawh lehzual a ni.

Tun hnai khan Academy award winner, Brendan Fraser leh Rachel Weisz-te chu 'The Mummy 4' ah hian an chang leh dawn tih puan a lo ni tawh a, Universal Pictures chuan film hi nakkum October 15-ah khawvel puma theatre-ah tlangzarh a ni dawn tih an puang tawh bawk. Film hi Matt Bettinelli-Olpin leh Tyler Gilett-ten an direct a ni. Fraser leh Weisz-te hi an role ngai, adventurer Rick O'Connell leh Egyptologist Evelyn O'Connell lemah an chang leh dawn a, film kalhmang tur erawh puan a la ni lo a, John Hannah pawh a a chang leh dawn niin an sawi.