WhatsApp web app-ah call a hman theih ta

WhatApp in kum eng emaw chhung smarthphone app leh native desktop app a call hman theih an kalpui tawh chungin an web server lamah erawh hman theihin an dah ngai lo; mahse, Meta chuan an web version-ahte chuan audio leh video call-te hman theih a nih tawh tur thu a puang ta.

Web app version-a call hman theih tur hi samrtphone leh desktop app ang bawka kalpui tur niin thil danglam a awm dawn lem lo. Mahse, WhatsApp chuan update an rawn kalpui thung a; user-te chuan call kallai chu hang-up kher loin device dangah an transfer thei tawh dawn a ni.

Hei bakah hian thil thar ṭangkai tak tur rawn chhawp chhuak bawkin inbiak laia background noise suppression chu tih tel thar a ni bawk. Company chuan video reng rengah a tir reilote inbiak hnuah vid call-te chu high definition a ni tawh dawn tih a sawi bawk. Meta hian an platform hrang hrangte chu user-te tana hman nuam leh manhla turin an thuam chak mek zel.