BTS-in nakkum Grammy Awards-ah an music theh lut dawn lo

Global superstar BTS chuan nakkum February 7-a neih tur, 69th Grammy Awards-ah an music an theh lut dawn lo tih nimin Nilaini khan an puang. Band member pasarih- RM, Jin, Suga, J-Hope, Jimin, V leh Jungkook-te chuan he thu hi an mimal instagram account-ah an post a ni.

Band member-te chuan an music chu a nihna anga ngaihthlak leh ngainat a hlawh an beisei thu leh, awmna hmun emaw ṭawng emaw hmanga thliar hran a nih loh an duh thu an sawi. An fans, Army leh anmahni thlawp chhunzawm zeltute chungah lawmthu an sawi bawk. Recording Academy chuan thla khat liam ta khan Grammy-ah Best Asian Pop Music Performance category siam thar a nih thu a puang a, hemi hnuah BTS chuan he thutlukna hi an siam ta a ni.

BTS hi Grammy-ah hian Best Pop Duo/Group Performance leh Best Music Video category-ah nominate an lo ni tawh a, mahse award erawh an dawng lo. Kum 2019 aṭang khan member-te hi Recording Academy-ah hian voting member an ni tawh bawk.