Eminem-a sneakers lilam dawn

Khawvela hip-hop rap artist lar leh hlawhtling, Eminem chuan a sneakers ṭhenkhat, khawvela tlemte chauh awm 'rare collection' te chu 'Marshall Mathers Foundation' tana sum tuak nan a lilam tir dawn! A pheikhawk hralh turte hi tualchhung leh khawvel huapa collector-te tana hmuh mai phak loh tur khawpa hlu a nih avangin man to taka hralh theih a beisei.

Tarlan danin, rap superstar hian Nike leh Air Jordan nen thawk duna a bik liau liaua an siam sak 'collaborative sneakers' te chu Sotheby’s kaltlangin a lilam dawn a ni. Sneakers hralh tur zingah hian "Air Jordan 4 Retro Eminem Encore" leh "Air Jordan 4 Eminem x Carhartt" te pawh a tel a, heng pheikhawkte hi sneakerhead te tan chuan lunghlu tluka hlu leh hmuh tur vang tak an ni.

Lilamna aṭanga sum lut hi Eminem-a din 'Marshall Mathers Foundation' hnenah hlan vek a ni ang. He foundation hian Detroit khawpuia ṭhalai puihna mamawh leh, chhungkaw harsatna tawkte puih leh dawmkanna atan a hmang dawn a ni.