Noah Kahan-a'n social media post-a a hla an hman avangin White House sawisel

American singer-songwriter, Noah Kahan chuan White House-in social media-ah a hla 'American Cars' an hman avangin a sawisel. White House-in Thawhṭannia president Donald Trump-a'n Michigan-a General Motors flagship test site a tlawhna thlalak an post-ah Kahan hla hi an hmang tel a ni.

Fans tam takin comment lamah Kahan hi an mention nghal a, Thawhlehni khan Kahan chuan thuchhuah siamin, a hla chu president Donald Trump emaw a administration emaw thlawpna atana hman a pawm ngai loh tur thu a sawi. 'American Cars' hi White House' in Instagram bakah TikTok-a post an siamah an hmang a, Instagram-ah hian disable tawh niin, TikTok post-ah erawh a la awm thung.

Kahan hi White House-in social media post a an hla an hman sawiseltu awmchhun a ni lo a, Katy Perry pawhin kum 2010-a a hla hit 'Firework' an hman avangin a lo sawisel tawh a, Ariana Grande chuan a hla, 'Bye' tih 2024 version hman a sawisel bawk. Sabrina Carpenter, Olivia Rodrigo, Celine Dion, Neil Young leh Rolling Stones pawhin an hla an hman avangin Trump hi an lo sawisel tawh bawk a ni.