YouTube Billion Views club-ah Queen 'Don't Stop Me Now'

British rock band Queen chuan a vawi hnihna atan an hla hit, 'Don't Stop Me Now' chu YouTube Billion Views Club an luhpui leh thei ta. He hla hi kum 1978-a an album 'Jazz' tiha mi niin, hemi kum vek hian Billboard Hot 100-ah No. 86 ah a lang a, official singles chart-ah No.9 a ni pha bawk. .

'Don't Stop Me Now' hi film, TV leh advertisement-ahte pawh hman niin, chung zingah chuan Toyota, Silk Almond milk, Amazon, Pfizer, L'Oreal, American Idol trailer leh kum 2004-a tihchhuah horror-comedy, 'Shaun of the Dead' te pawh an tel. Kum 2005 khan British TV show 'Top Gear' viewer-te chuan he hla hi 'Greatest Driving Song of All Time' ah an thlang bawk a ni. Kum 2019 July thla khan an 70's classic music video, 'Bohemian Rhapsody' chu Billion Views Club-ah seng luh a lo ni tawh bawk a ni.