Mizo Idol Emma hla thar a hnai

Mizo Idol season 8 Winner Emmanuel Lalremruata chuan tun hnai chhoah official MV hla pahnih a tihchhuah hnuah hla thar a nei leh dawn hnai tawh niin a lang. Emma chuan eng lam nge a nih dawn erawh a zep rih thu Vanglaini a hrilh a; mahse, hranghlui thinlung dek zar thei tur, tunlai ṭhalaite rilrem tak a nih a beisei thu erawh a sawi lang thung.

Emma-a'n hla thar a nei dawn hnai nia rinna hi amah ngaisangtu leh ngainatu Emmanians-te chuan fan group lamah a studio lut lai an hmuh fuh aṭangin an zeldin zui niin a lang. Hetihlaiin Emmanians lam erawh chuan Aeris Record studio a kal lai an lo hmuh avang hian fan group lamah an inrinsiak nasa hle a, Mizo Idol inelna neih zawha interview a hmachhawn ṭuma a lo sawi thawi tawh hla lehlin a nih an ring a, ṭhenkhat erawhin ama phuah ngei a nih ve tawh an ring bawk.

Hla hi Idol inelna zawh hnuah pahnih tichhuak tawhin cross platform artist a nih angin Lengzem leh Gospel an ni. Emmanians lamin an lo beisei ruk hi a thleng dik a single pathumna pawh a chhuah leh thuai a rinawm. Emma hian Aeris Record, Chanmari West kutchhuak hla mawi tak a nei leh dawn tih a rin theih a, Zuala Zahau a thawhpui bawk avangin a nghahhlelhawm hle.