Justin Bieber sneakers USD 30K dawnin hralh

FIFA World Cup 2026 Final Halftime show-a Justin Bieber-a'n 'Everything Hallelujah' a perform-naa a sneakers bun chu lilamnaah USD 26,000 in hralh a ni a, a man pangngai aia a let 10 chuanga toin hralh a ni.

World Cup zawh hnuah FIFA Global Citizen hnuaiah "One Goal Charity Auction" neih a ni a, July 29-ah an khar a ni. Lilam tur hian infiammi leh zaithiam sawm bikten World Cup neih chhunga an thawmhnaw inbel zinga pakhat ṭheuh an theh lut a, heng zingah hian Bieber sneakers hi an hralh to ber a ni. Lilamna aṭanga an sum hmuh hi FIFA Global Citizen Education Fund-ah pek a ni a, zirna leh infiamna lama naupangte chhawmdawlna atan hman a ni dawn.

Lilamna aṭanga an sum hmuh hi USD 625.6K a tling a, BTS member-ten an thawh hlawk hle. Sum hmuh chhuah aṭanga a zahve aia tam chu BTS member-te thawmhnaw lilamna aṭanga hmuh a ni a, an chhan to Top 10 zingah BTS member pasarihte thawh an lang vek bawk a ni.