Project Wallflower album tlangzarh dawn

Project Wallflower chuan an album hmasa ber tur, 'Auh Kir Ka Nuam' tih chu August 7 hian The Warehouse Cafe, Folkland park-ah an tlangzarh dawn. He album-ah hian hla pasarih awmin, Saka XO leh Zomuana Renthlei ten hla pakhat ve ve an sak pui a ni. Album tlangzarhnaah hian live show buatsaih a ni nghal dawn a, ticket hi triket.in website ah lei theihin chhawp chhuah a ni.

Project Wallflower hian kum 2024 November thla khan an EP(mini album) 'Nunnem Hmeltha' tih chu an lo tichhuak tawh a, kumin April thla khan Saka XO nena an hla 'Ka Di Reng Nang Che' tih chu single in an ti chhuak bawk. Band line up hi Lalremruata Fanai, Dawnga Ralte leh Rinzuala te an ni.

Lalremruata Fanai hi hmarchhak bial aṭanga Cruiseline a zaia lut hmasa ber a ni a, India-ah a pahnihna a ni tel bawk. Tunah hian Carnival Cruiseline, USA-ah Rockband vocalist in a awm mek a ni.