EWC 2026-ah LoL-in entu ngah ber; PUBG aiin Free Fire-in entu nghah zawk!

Esport World Cup 2026 pawh lawmman ṭha tawk tak nen a rawn kir leh ta. EWC hnuaiah hian in elna hrang hrang 25 leh cross-title Club Championship te a awm leh dawn a ni. Kumin inelnaah hian prize pool hi USD mtd 75 zet niin, Esport in elna hmang hian record thar pawh kan hmuh chhoh a rinawm. EWC hi nghah a nihna ṭhin, Riyadh, Saudi Arabia aṭangin a vawi khatna turin Paris, France-ah sawn a ni.

EWC inelna kumin chhunga kalpui tawh zirchianna aṭanga a landanin, League of Legend(LoL) chuan entu ngah ber a ni mek a, hetih laiin prize pool lian lo zingah Free Fire chuan entu ngah lamah PUBG khumin; Dota 2 chu entu tlahniam hretin entu ngah pathumna a la ni phak thung. Mahse, entu ngah dan hi la danglam thei niin, EWC hian August 23 thleng a awh dawn a, tuna report hi July 31 chin niin Chinese livestreaming data-te lak tel a ni lo bawk.

Inelna kalpui mekah LoL hian entu 632,000 chuang nei tlingin en chhung rei zawng pawh darkar mtd 23.62 a ni a, a ruala entu an tam ber laiin mi maktaduai 1.48-in an en tling bawk. Pahnihna Free Fire pawh lawmman tihsan lohna zinga mi a ni chungin entu an tam ber lai hian 803,647 a nei tling a, chawhrualin 444,566 entu nei reng ang a ni bawk. Dota 2 erawh entu neih tam lamah kum dang aiin a hniam a, mahse, mi 326,802 a peak laiin entu a la nei phak.