Billboard '21 Under 21' list-ah KATSEYE, CORTIS leh GIRLSET

Korean entertainment company hnuaia group pathum- KATSEYE, CORTIS, leh GIRLSET- te chu Billboard-in kumtin a buatsaih ṭhin, '21 Under 21' list-ah telh an ni a, he list-ah hian music industry-a artist kum 21 leh a hnuai lam chawimawi ṭhin an ni.

Billboard chuan kumina thlan chhuahte hi July 31 khan an puang a ni. Kumtin he feature-ah hian act 21 chawimawina siam niin; album leh hla an hralhna, stream neih zat, social media, radio leh television performance bakah industry-a nghawng an neihte leh, career momentum chu tehfungah a tel.

HYBE x Geffen Records enkawl KATSEYE hi kum hnih a zawna an lanna a ni a, BigHit Music enkawl CORTIS hi an vawi khat lanna a ni. GIRLSET hi JYP America x Republic Records hnuaia mi niin, kumin hi list-a an lan vawi khatna a ni bawk.