China Box office lamah pawh 'Spider-Man: BND' a che ṭha nghal

Sony Pictures kutchhuak superhero film thar ber, 'Spider-Man: Brand New Day' chu beisei leh rin lawk ang ngeiin a thlen chin apiangah a thawm na nghal em em zel a, China Box Office-ah pawh a che ṭha nghal.

Spider-Man franchise thar ber hian China Box office-ah hian USD mtd 121.3 a la lut nghal a, Imax aṭanga pek chhuahna ringawt-ah pawh USD mtd 19 a la lut tling thei bawk. Spider Man franchise zingah tihchhuah kara China-a che ṭha ber a ni a, a la chet ṭhat zui zel rin a ni bawk.

Pahnihnaah Pearl Studio kutchhuak animated fantasy 'All Wishes Come True' chu langin, USD mtd 31.8 a lak luh belh. Sports comedy "Kung Fu Soccer" chu pathumnaah kaisangin, kar hmasa chhungin USD mtd 14.1 a lak luh belh leh thei a ni.