Sarajevo Film Festival-ah Woody Harrelson chawimawi dawn

American actor Woody Harrelson chu 32nd Sarajevo Film festival-ah film industry leh acting career-a a thawhhlawkna leh a hlawhtlinna avangin chawimawi a ni dawn. He thu hi festival buatsaihtute chuan nimin Thawhṭanni khan an puang.

Festival director Jovan Marjanović chuan Harrelson chu film eng pawha a role hnehsawh taka chang thei zinga mi a ni a, chutih rual chuan nitin hun hmanpui atana thawhpui nuam tak a nih thu a sawi. A talent, mi dang a hip theihna leh a huaisenna chu ṭhangthar lo awm zel tur tan pawha entawntlak a ni, a ti.

Kumin festival-ah hian kum 1997-a Michael Winterbottom-a film 'Welcome to Sarajevo' tihchhuah a ni dawn bawk a ni. Festival chuan he film hi kum 1990 bawr chhoa Bosnia rama indona leh media coverage-a journalist-te chanvo zirchianna a ni tih an tarlang. Journalist Michael Nicholson-a lehkhabu 'Natasha’s Story' behchhana siam a ni a; Harrelson, Stephen Dillane leh Marisa Tomei-te an chang ho a ni.