Netflix-ah 'Cocktail 2' tlangzarh dawn

Indian actor Shahid Kapoor, Rashmika Mandanna leh Kriti Sanon-te channa, kumin June 19-a theatre-a tlangzarh 'Cocktail 2' chu kumin August 14 hian Netflix-ah tlangzarh a ni dawn. Film hi Homi Adajania direct a ni a, Hindi film kumina tihchhuah tawh zinga box office-a che ṭha ber pawl niin, Bollywood film tihchhuah zinga sum la lut hnem parukna a ni thei a, digital-a tlangzarh a nih leh dawn vang hian entu an pun ngei a rinawm.

'Cocktail 2' hi kum 2012-a tihchhuah, Saif Ali Khan, Deepika Padukone leh Diana Penty-te channa, 'Cocktail' chhunzawmna a ni lo a; character thar, inṭhianṭhatna leh ṭhian inkara thil thleng tam tak pholan a ni. Film hi Shahid Kapoor, Rashmika Mandanna leh Kriti Sanon-te thawh hona hmasa ber a ni a, an pathuma an chan hona film en chak fan tam tak avangin a hlawhtling bawk nia sawi a ni.