Terminator : Dark Fate A chungnung

Box Office-ah film thar, Terminator : Dark Fate chuan Joker leh Maleficent : Mistress of Evil rawn khumin, sum lalut hnem ber a ni rawn ni nghal. Kartawpa sum lakluh tam lamah Joker chuan Maleficent : Mistress of Evil rawn pel lehin, pahnihnaah a rawn insawn chho leh. Release a nih aṭanga a kar ngana ni tawh mah se, Joker hi a la che ṭha chhunzawm zel. 

Science fiction action film, Terminator : Dark Fate hi Termi­nator franchise paruk­na a ni a, kum 28  hnuah Linda Hamilton leh Arnold Schwarzenegger te pawhin an role ngai, Sarah Connor leh T-800 'Terminator' an rawn chang leh. Changtu thar - Mackenzie Davis, Natalia Reyes leh Garbiel Luna te an rawn lang bawk. Hungary, Spain leh United States-ahte an chang a ni. 

He film hi Terminator 2 aṭanga kum 25 hnua thil thleng chanchin a ni. Terminator (Luna) chu Dani Ramos (Reyes)  tichhe turin tirh a ni a, hetihlai hian Dani chhan turin Grace (Davis) a lo lang ve bawk a, Grace hi Sarah Connor (Hamilton) leh T-800 Terminator (Schwarzenegger) ten an rawn pui a ni. 

Terminator: Dark Fate hian tlangzarh a nih karah US dollar $29,033,832 a lalut nghal a, theater 4,086 ah chhuah a ni. 

Joker chu tihchhuah a nih aṭanga kar nga a nih hnuah pawh sum lalut tam pahnihna a la ni pha. Kartawpa a sum lakluh hi  $13,500,116 niin, theater 3,519 ah tihchhuah a la ni. Joker in a sum lakluh tawh zawng zawng hi  $299,187,108 a tling tawh. 

Box office top 10-ah hian Terminator : Dark Fate bakah film thar dang pathum lai an rawn lang bawk. Harriet chu palina rawn ni phain, Motherless Brooklyn leh Arctic Dogs te chu an rawn lang ve bawk a ni. 

1. Terminator : Dark Fate    -    $ mtd 29

2. Joker    -    $ mtd 13.5

3.  Maleficent : Mistress of Evil    -    $mtd 13

4.  Harriet    -    $ mtd 11.6

5.  The Addams Family    -    $mtd 8.2

6.  Zombieland : Double Tap    -    $mtd 7.4

7.  Countdown    -    $mtd 5.7

8.  Black and Blue    -    $mtd 4.1

9.  Motherless Brooklyn    -    $mtd 3.5

10. Arctic Dogs    -    $mtd 2.9