Nightwish-in an live video pakhat chhawp chhuak

Metal band, Nightwish chuan an live video tlangzarh tur zinga mi, "Devil And The Deep Dark Ocean" chu fan-te en theih turin Youtube lamah an dah chhuak.

He hla hi an album pahnihna "Oceanborn" ami a ni. Kum 2015-a "Endless Forms Most Beautiful" album kha Nightwish hian an album tihchhuah hnuhnung ber niin, nakkumah an album pakuana tur tlangzarh an tum thu a sawi a ni. 

Nightwish chuan Argentina khawpui Buenos Aires-a September 30, 2018-a Estadio Malvinas hmuna an concert-na video chu, Record label Nuclear Blast kaltlangin December 6-ah tlangzarh an tum.

An concert video hi 2CD Digipak, 3LP, Blu-ray Digibook leh BluRay/2CD a lei theih tura tihchhuah tum a ni. An video tihchhuah tur hi camera 19 hmanga cover a ni tih an tarlang bawk. An hla lar tak tak- End Of All Hope, Ghost Love Score, Élan, Nemo, Wish I had An Angel, Sacrament Of Wilderness, Elvenpath, Devil And The Deep Dark Ocean leh Dead Boy’s Poem-te chu he concert-ah hian an sa a ni.

Nightwish hian show 17 an neih tur thu an tarlang a, November 16-a Oslo’s Spektrum hmun aṭangin bul an ṭan anga, December 18-ah London’s SSE Arena Wembley-ah an zo fel ang. Hemi bakah hian nakkum kum tawp lamah Europe lama tour neih an tum bawk.